काठमाडौंको सुन्दरीजलमा मोटरसाइकल दुर्घटना,युवकको मृत्यु

२२ कार्तिक ०७८, काठमाडौं । गोकर्णेश्वर नगरपालिका १ सुन्दरीजलमा मोटरसाइकल दुर्घटना हुँदा एक युवकको मृत्यु भएको छ ।
गोकर्णेश्वर नगरपालिका १ सुन्दरीजलमा बा ९० प ४५६ नम्बरको मोटरसाइकल आइतबार राति दुर्घटना हुँदा चालक स्वछन्द पुडासैनीको मृत्यु भएको प्रहरीले जानकारी दिएको छ । प्रहरीका अनुसार दुर्घटनामा गम्भीर घाइते भएका उनको उपचारका लागि अस्पताल लैजाँदै गर्दा बाटोमै मृत्यु भएको थियो ।
मोटरसाइकल अनियन्त्रित भई पिपलको रुखमा ठोकिएको महानगरीय प्रहरी प्रभाग सुन्दरीजलले जानकारी दिएको छ ।