सिन्धुपाल्चोकमा ट्याक्टरको ठक्करबाट माझीको मृत्यु

६ मंसिर ०७८, सिन्धुपाल्चोक। सिन्धुपाल्चोकमा ट्याक्टरको ठक्करबाट एक जनाको मृत्यु भएको छ । इन्द्रावती गाउँपालिका ५ कोइरालाटारमा ट्याक्टरको ठक्करबाट एक जनाको मृत्यु भएको हो ।
आइतबार राति लु २ त ८३०४ नम्बरको ट्याक्टरको ठक्करबाट इन्द्रावती गाउँपालिका ५ नयाँ बस्तीका ३५ वर्षका श्यामबहादुर माझीको मृत्यु भएको प्रहरीले जनाएको छ ।

कोइरालाटारबाट धान बोकेर धुसेनी जाँदै गरेको ट्याक्टरले माझीलाई आइतबारराति १० बजे ठक्कर दिएको प्रहरीले जनाएको छ ।