सूर्यविनायकमा टिपरको ठक्करबाट ललितपुरका लिम्बुको मृत्यु

११ मंसिर ०७८, भक्तपुर । भक्तपुरको सूर्यविनायक नगरपालिका–८ आदर्श चोकमा टिपरको ठक्करबाट स्कुटर चालकको मृत्यु भएको छ ।
दुर्घटनामा एक जना घाइते भएका छन् । बा ३ ख ५४२३ नम्बरको टिपरले बा ५७ प ३११३ नम्बरको स्कुटरलाई ठक्कर दिँदा स्कुटर चालक धनकुटा घर भइ ललितपुरको कुसुन्ती बस्दै आएका २४ वर्षका असिम लिम्बुको मृत्यु भएको हो ।
स्कुटरको पछाडि रहेका ललितपुर पाटनका २६ वर्षका सन्दीप महर्जन घाइते भएका छन् । महर्जनको उपचार भइरहेको छ ।