काठमाडौंको डल्लुमा टिपरको ठक्करबाट पैदलयात्रीको मृत्यु

१३ मंसिर ०७८, काठमाडौं । काठमाडौंको डल्लुमा टिपरले ठक्कर दिदा एक पुरुषको मृत्यु भएको छ । प्र्रहरीका अनुसार काठमाडौं महानगरपालिका १५ डल्लु नयाँपुल नजिक सडकमा बा.२ ख ४७४९ नम्बरको टिपरको ठक्करबाट पैदलयात्री हाल नामथर नखुलेका करिब ४० वर्षीय पुरुषको आइतबार साँझ मृत्यु भएको छ ।
ठक्करबाट गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो ।
टिपरलाई नियन्त्रणमा लिनुको साथै हाल फरार टिपर चालकको प्रहरीले खोजी गरिरहेका प्रहरीले जानकारी दिएकोे छ ।