काठमाडौंको काँडाघारीबाट म्याद सकिएको मसलाको प्याकेटमा नयाँ लेबल राखेर बेचेको आरोपमा पक्राउ

१४ मंसिर ०७८, काठमाडौं । सोमबार काठमाडौंको काँडाघारीबाट कालोबजारीको अभियोगमा ४५ लाख बराबरको मसला सहित सञ्चालक पक्राउ परेका छन् । प्रहरीका अनुसार म्याद गुज्रिसकेको खाद्य वस्तु विक्रिको सूचनापछि परिचालित विशेष टोलीले कागेश्वरी मनोहरा नगरपालिका ८ गोठाटारस्थित सगरमाथा फुड प्रोडक्टका ४४ बर्षिय संचालक पवनकुमार साहलाई पक्राउ गरेको हो ।
उनको कारखानामा म्याद गुज्रिसकेको खाद्यवस्तु रिलेवलिङ गर्दै गरेको अवस्थामा फेला पारी वाणिज्य विभाग समेतको संयुक्त टोली खाद्यवस्तु बरामद गरी आवश्यक अनुसन्धान तथा कारवाहीको लागी वाणिज्य विभाग बबरमहलमा वुझाइएको प्रहरीका भनाई छ ।