ललितपुर काँग्रेस सभापति श्रेष्ठ सिंहको कार्यक्रममा सहभागी

२१ मंसिर ०७८, काठमाडौं । ललितपुर काँग्रेस सभापनि जितेन्द्रकुमार श्रेष्ठ सोमबार प्रकाशमान सिंहको सम्पर्क कार्यालय उद्घाटन कार्यक्रममा सहभागी भएका छन् ।
शेरबहादुर देउवा इतरका विश्वासपात्र उदयसम्सेर राणाको सहयोगमा ललितपुर काँग्रेस सभापति पदमा विजयी श्रेष्ठ प्रकाशमान सिंहको कार्यलय उद्घाटन कार्यक्रममा सहभागी हुनुले श्रेष्ठको सहयोग प्रकाशमानलाई हुने एक नेताले ललितपुर खबरलाई बताए ।
कांग्रेसको १४औं महाधिवेशनमा सभापति पदमा उठ्ने तयारी गरिरहेका पूर्वमहामन्त्री सिंहले मंगलबार सिंहदरबारअगाडि यलम्बर पार्टी प्यालेस भाडामा लिएर सम्पर्क कार्यालय खोलेका हुन् ।
ललितपुर काँग्रेस सभापति हुनुअघि श्रेष्ठ रामचन्द्र पौडेल निकट नेताका रुपमा परिचति थिए ।
उद्घाटन कार्यक्रममा काठमाडौं कांग्रेस सभापति कृष्णसबुज बानियाँ र ललितपुर सभापति जितेन्द्र श्रेष्ठ नेता सिंहको दायाँ–बायाँ राखेर थिए । साथमा कांग्रेस केन्द्रीय सदस्य राजन केसी र काठमाडौं महानगरकी उपप्रमुख हरिप्रभा खड्गीलगायतको उपस्थिति थियो ।
आज मंगलबार नै रामचन्द्र पौडेल इतरको भेलाले सभापतिको आकाक्षीबारे छलफल हुने कार्यक्रम रहनुने श्रेष्ठ र बानियाँ सिंह पक्षको कार्यक्रममा सहभागी हुनुलाई अर्थ पूर्ण रुपमा हेरिएको छ ।

नेता सिंहले अब कार्यालयमा नेता तथा कार्यकर्तालाई भेटघाट गर्नेछन् । सभापतिका लागि कति तयारी गरेको भन्ने यहीँबाट बुझ्नुपर्ने नेता सिंहले बताए । न्युजकारखानाको सहयोगमा तस्बिर ः यूपी लामिछाने