आकाश भैरवको मन्दिरबाट मूर्ति चोरी

२१ मंसिर ०७८, काठमाडौं । काठमाडौं हल्चोकमा रहेको आकाश भैरवको मन्दिरबाट मूर्ति चोरी भएको छ । महानगरीय प्रहरी वृत्त, स्वयम्भूकाका अनुसार मंगलबार बिहान साढे १२ बजेतिर मन्दिरमा रहेका दुईवटा मूर्तिमध्ये आकाश भैरवको मूर्ति चोरी भएको हो ।
करिब ३ सय वर्ष पुरानो भनिएको उक्त मूर्ति ४, ५ वटा मोटरसाइकलमा आएको समूहले उठाएर लगेको मन्दिरका पुजारीको भनाइ उद्धृत गर्दै प्रहरीले जनाएको छ । आफूलाई ज्यान मार्ने धम्की दिएर उक्त समूहले मूर्ति उठाएर लगेको पनि पुजारीले बयान दिएको प्रहरीले जनाएको छ ।