कोटेश्वरमा रोकिराखेको ट्रकसँग मोटरसाइकल ठोक्कियो, चालकको मृत्यु

२१ मंसिर ०७८, काठमाडौं । काठमाडौं कोटेश्वरमा रोकिराखेको ट्रकसँग मोटरसाइकल ठोक्किएको छ । दुर्घटनामा चालकको मृत्यु भएको छ । मंगलबार बिहान कोटेश्वरको आकाशेपुल नजिक बालकुमारीबाट कोटेश्वरतर्फ आउँदै गरेको प्र.३–०२–०२७ प ५९३७ नम्बरको मोटरसाइकल ट्रकसँग ठोक्किएको थियो ।

ना.६ख १३५८ नम्बरको ट्रकमा ठोक्किएर मोटरसाइकल चालक भक्तपुर ठिमी नगरपालिका–४ घर भएका ३५ वर्षीय सुरज खलाको मृत्यु भएको ट्राफिक महाशाखाले जनाएको छ । ट्रक रोकेर राखेको दिशातर्फबाट आएर मोटरसाईकल ठोक्किएको थियो । मोटरसाइकल चालकको सिनामंगल स्थित काठमाडौं मेडिकल कलेजमा उपचारको क्रममा मृत्यु भएको प्रहरीले जनाएको छ ।