ललितपुर लेलेका सिजापतीको टहरा जलेर नष्ट

२१ मंसिर ०७८, लेले ललितपुर । ललितपुरको लेलेमा आगलागी हुँदा एक टहारा जलेर नष्ट भएको छ ।
प्रहरीका अनुसार ललितपुरको गोदावारी नगरपालिका ५ लेले सिजापाती गाउँ बस्ने उतम सिजापातीको टहरोमा विद्युत सर्ट भई सोमबार बिहान आगलागी भएको हो ।
आगलागीका कारण सिजापतीको घरमा रहेको लत्ताकपडा सुन तथा चाँदीका बिभिन्न गहना, फर्निचर लगायतका सामान जलेर करिब ७ लाख ५६ हजार ५ सय रुपैयाँ बराबरको धनमाल नष्ट भएका प्रहरीले जानकारी दिएकोे छ ।
साथै काठमाडौं महानगरपालिका ६ बौद्ध नागेश्वर गल्लीस्थित सडक छेउमा पार्किङ गरी राखेको हाल नम्बर नखुलेको मोटरसाइकमा आइतबार राति आगलागी हुँदा मोटरसाइकल पूर्णरुपमा जलेर नष्ट भएको छ ।