भक्तपुरमा सात सय वर्ष पुरानो लक्ष्मी नरसिंह मन्दिर पुनःनिर्माण सुरु

२७ मंसिर ०७८, काठमाडौं । भक्तपुर नगरपालिकाले आज सोमबार नगरपालिका ४ गःहिटीमा रहेको ऐतिहासिक लक्ष्मी नरसिंह मन्दिरको पुनःनिर्माणको शिलान्यास गर्दैै उनले मौलिक सम्पदा संरक्षण र यसको महत्व बुझाउन नयाँ पुस्तालाई विद्यार्थी जीवनदेखि सिकाउनु आवश्यक भएको बताएका हुन् ।
कार्यक्रममा इतिहासविद् डा पुरुषोत्तमलोचन श्रेष्ठले जयस्थिति मल्लको पालामा बनेको ७ सय वर्ष पुरानो यो मन्दिर नेपालको एकमात्र शक्तिसहित शान्त स्वभावको लक्ष्मी नरसिंह मन्दिर भएको चर्चा गर्दै भक्तपुर १२औँ शताब्दीदेखिको सम्पदाहरुको संरक्षण आवश्यक रहेको बताए ।
नेपाल मजदुर किसान पार्टीका अध्यक्ष नारायणमान बिजुक्छेले भक्तपुर नगरपालिकाको नमूना ‘ख्वप मोडल’ देशका अन्य जिल्ला तथा स्थानीय तहहरुले पनि सिक्न चाहेको बताउका छन् ।
अध्यक्ष बिजुक्छेले भक्तपुरका अरू सम्पदा पुनःनिर्माणमा जस्तै लक्ष्मीनरसिंह मन्दिर पुनःनिर्माणमा पनि यहाँका स्थानीय जनताले अपनत्व ग्रहण गर्ने विश्वास व्यक्त गर्दै पुनःनिर्माण पारदर्शी हुनुपर्नेमा जोड दिएका छन् ।
कार्यक्रममा भक्तपुर नगरपालिकाका प्रमुख सुनिल प्रजापतिले २०७२ सालको भूकम्पबाट क्षति पुगेको १ सय २० वटा सम्पदामध्ये भक्तपुर नपाले १ सय १८ वटा जीर्णोद्धार र पुनःनिर्माण सम्पन्न गरिसकेको बताए । उनले भूकम्पले भत्किएको यो मन्दिर पनि उपभोक्ता समितिमार्फत पुरानै मौलिक शैलीमा जनसहयोगसमेत रहने गरी सम्पन्न गर्ने बताएका छन् । मन्दिर पुनःनिर्माणमा कूल रु तीन करोड ७१ लाख २७ हजार ५१५ लाग्ने अनुमान गरिएको छ ।

दरबार हेरचाह अड्डा भक्तपुर कार्यालयका प्रमुख अरुणा नकर्मीले यस मन्दिरको पुरानो काठहरु बाँकी भएकाले त्यसलाई अनुसन्धान गरेर इतिहासका विषय खोज्न सकिने बताउनुभयो ।
–––