ललितपुरको सुनाकोठी र सुर्यविनायकमा दुई महिला मृत फेला

२९ मंसिर ०७८, काठमाडौं । ललितपुरको सुनाकोठी र भक्तपुरको सुर्यविनायक ८ सिपाडोलमा एक एक जना मृत अवस्थामा फेला परेका छन् ।
प्रहरीका अनुसार ललितपुरस्थित ललितपुर महानगरपालिका २७ सुनाकोठी सडकमा यसै ठाउँ बस्ने धनुषा घर भएकी ३३ वर्षीया राधिका कार्की बुधबार मृत अवस्थामा फेला परेकी छन् ।
साथै भक्तपुर सूर्यविनायक नगरपालिका ८ सिपाडोल बस्ने सिन्धुली घर भएकी ३७ वर्षीया बुद्ध कुमारी श्रेष्ठ आफ्नै जस्ताको टहरामा बुधबार मृत अवस्थामा फेला परेकी छन् ।
दुवै घटनाका सम्बन्धमा अनुसन्धान गरिरहेको प्रहरीले जानकारी दिएको छ ।