भक्तपुर जंगलमा एक युवाको शव फेला

७ पुस ०७८, भक्तपुर । भक्तपुरको जंगलमा एक युवाको शव फेला परेको छ। सूर्यविनायक नगरपालिका ८ गुण्डु जंगलमा मंगलबार करिब ३० वर्षीय युवकको शव फेला परेको महानगरीय प्रहरी परिसर भक्तपुरले जनाएको छ।

काफलको रुखमा नाइलनको डोरीमा झुण्डिएको अवस्थामा फेला परेको शवको सनाखत हुन नसकेको परिसरले जनाएको छ ।
कालो बर्ण, ५ फिट ५ इन्च उचाई, कालो ज्याकेट, कालो पाईन्ट, कालो पिक्याप लगाएको पुरुषको शव पोष्टमार्टमको लागि अस्पताल पठाइएको छ ।
घटनाको बारेमा थप अनुसन्धान अघि बढाएको प्रहरीले जनाएको छ।