भष्टाचारको काण्डपछि काठमाडौं महानगरका ज्ञवाली गए, पौड्याल आए

१२ पस ०७८, काठमाडौं ।  काठमाडौँ महानगरपालिकाको भवन निर्माणको क्रममा भष्टाचारको काण्ड बाहिरिएसँगै प्रमुख प्रशासकीय अधिकृत राजृेश्वर ज्ञावालीको सरुवा भएको छ । मन्त्रालयको आइतबारकै निर्णयअनुसार यस अघिका प्रमुख प्रशासकीय अधिकृत राजेश्वर ज्ञवाली सङ्घीय मामिला तथा सामान्य प्रशासन मन्त्रालयमा सरुवा भइ गएका छन् ।
यता महानगरको यसै पदमा लोकनाथ पौड्यालले पद बहाली गरेका छन् । यही पुस ७ गतेको सङ्घीय मामिला तथा सामान्य प्रशासन मन्त्रालयको निर्णयअनुसार उनले आइतबार .पद बहाली गरेका हुन् ।
पद बहालीपछि संक्षिप्त प्रतिक्रिया दिँदै पौड्यालले भौतिक र वित्तिय साधन तथा सूचना सञ्चारको संयोजन गरेर कानूनसम्मत सेवा समयमा लिन पाउने नागरिकको अधिकार सुनिश्चत गर्न सक्दो प्रयास गर्ने बताएका छन् ।
प्रशासन विभागका प्रमुख महेश काफ्लेले पौड्यालको अनुभवबाट काठमाडौँ महानगरको सार्वजनिक छवि अझ राम्रो बनाउन सहयोग पुग्ने उल्लेख गरे । विसं २०५३ मा शाखा अधिकृतबाट सेवा प्रवेश गरे पौड्याल २०६१ सालमा उपसचिव र २०७० सालमा सहसचिव भएका हुन् । उनले स्थानीय विकास अधिकारी, प्रमुख जिल्ला अधिकारी, नगरपालिकामा कार्यकारी अधिकृत, प्रदेश मन्त्रालयको सचिवसहित विभिन्न पदमा रही काम गरिसकेका छन् ।
अख्तियार अनुसन्धान आयोगले भवन निर्माणको विषयमा अनुसन्धान गरिरहेको यो समयमा भएको सरुवालाइ प्रशासनिक क्षेत्रमा अर्थपूर्ण रुपमा लिइएको छ ।