कोटेश्वरको जुवा अखडाबाट ६ जना पक्राउ

१४ पुस ०७८, काठमाडौं । कोटेश्वरको जुवा अखडाबाट प्रहरीले तास खेलेको आरोपमा ६ जना पक्राउ गरेको छ । प्रहरीका अनुसार काठमाडौं महानगरपालिका ३२ कोटेश्वर नरेफाटस्थित अमर लिम्बुको कोठामा तास खेलिरहेको अवस्थामा ६ जनालाई मंगलबार राति प्रहरीले पक्राउ गरेको छ ।
उनको कोठमा जुवातास खेलिरहेको भन्ने खबर प्राप्त हुनासाथ महानगरीय प्रहरी प्रभाग कोटेश्वरबाट खटिएको प्रहरीले उनीहरुलाई नगद १ लाख ४३ हजार ९ सय ७५ रुपैयाँ र १२ बुक तास सहित पक्राउ गरेको हो ।
घटनामा सम्बन्धमा प्रहरीले अनुसन्धान गरिरहेको जानकारी दिएको छ ।