कुपण्डोलमा मोटरसाइकल दुर्घटना, छम्पीको तामाङको मृत्यु

२१ पुस ०७८, काठमाडौं । ललितपुरको कोपण्डोलमा मोटरसाइकल दुर्घटना हुँदा छम्पीका युवकको ज्यान गएको छ । प्रहरीका अनुसार ललितपुरको कोपुन्डोलमा बिजुलीको पोलमा मोटरसाइल ठोक्किदा गोदावरी नगरपालिका ९ छम्पीका ३१ वर्षीय राजु तामाङको मृत्यु भएको हो ।
तामाङको मंगलबार मध्यराति सवा १ बजे बा९५प ५३३४ नम्बरको मोटरसाइकल बिजुलीको पोलमा ठोक्किंएको थियो ।
तामाङलाई दुर्घटनापछि पाटन अस्पतालमा उपचारका लागि लगिएको थियो । उपचारको क्रममा बिहान आज ३ बजे पाटन अस्पतालमा मृत्यु भएको प्रहरीको भनाई छ ।
दुर्घटनाका झममा मोटरसाइकल चालक भने घाइते छन् । उनलाई उपचारका लागि राष्ट्रिय ट्रमा सेन्टरमा भर्ना गरिएको छ ।