काठमाडौं र ललितपुरमा ३ जना मृत फेला

२७ माघ ०७८, काठमाडौं । काठमाडौं र ललितपुरका छुट्टा छुट्टै ठाँउमा ३ जना मृत अवस्थामा फेला परेका छन् । प्रहरीका अनुसार ललितपुरको कुपण्डोल, काठमाडौंको बत्तिसपुतली र सुन्दरीजलमा एक एक जना मृत अवस्थामा फे्ला परेका हुन् ।
ललितपुरको ललितपुर महानगरपालिका १ कुपण्डोल डेरा गरी बस्ने रामेछाप गोकुल गंगा घर भएका २९ वर्षीय ज्ञान बहादुर तामाङ सुतेकै ठाउँमा बुधबार मृत अवस्थामा फेला परेका छन् ।
त्यसै, काठमाडौं महानगरपालिका ९ बत्तिसपुतलीस्थित राममन्दिर नजिक बस्ने ध्रुव प्रसाद लामिछानेको घरमा विगत ३ वर्षदेखि बस्दै आएका भारत घर भएका ५७ वर्षीय बाबा अमिताभ सेन गुप्ता आफ्नै कोठामा मंगलबार मृत अवस्थामा फेला परेका छन् ।
साथै काठमाडौंको गोकर्णेश्वर नगरपालिका १ सुन्दरीजलस्थित बाग्मती खोलामा नाम थर नखुलेका करिब ३२ वर्षीय पुरुष बुधबार मृत अवस्थामा फेला परेका छन् ।