सुनाकोठीबाट हराएको बालकुमारीको मूर्ति भेटिएपछि …

२८ माघ ०७८, ललितपुर । सुनाकोठीस्थित बालकुमारी मन्दिरबाट हराएको मूर्ति ललितपुरको सातदोबाटो नजिकै फेला परेको छ । ललितपुर प्रहरी परिसरका अनुसार गत माघ ८ गतेदेखि हराइरहेको मूर्ति ललितपुर महानगरपालिका १५ स्थित करुणा मन्दिरको छेवैमा फेला परेको हो ।
शुक्रबार बिहान ६ बजेतिर मन्दिर छेउमा मूर्ति भेटिएपछि टोलमा हल्ला खल्ला भएको थियो ।
मूर्ति फेला परेको खबर पाएपछि प्रहरीले जावलाखेलस्थित प्रहरी परिसरमा लगेर राखेको छ । लसलतपुर प्रहरी प्रमुख एसएसपी यज्ञविनोद पोखरेलले मूर्ति र आफू पक्राउ पर्न सक्ने अवस्था आकलन गरेर चोरी गर्नेले मूर्ति छाडेको हुनसक्ने बताएका छन्
यो मूर्ति बालकुमारी मन्दिरको पुरानै स्थानमा प्रतिस्थापनका लागि प्रहरीले केही समयपछि हस्तान्तरणगर्ने कार्यक्रम रहेको जानकारी दिएको छ ।

बालकुमारी माईको मूर्ति भेटिएपछि सुनाकोठीवासीले बाजागाजा सहित सिन्दुर जात्रा गरेका छन् । प्रहरीले आज बिहान खुमलटारस्थित करुणा मन्दिरमा मूर्ति फेला पारेर जावलाखेल ल्याएको थियो । मूर्ति भेटिएलगत्तै सुनाकोठीवासी बाजागाजासहित जावलाखेल आएका थिए ।

प्रहरीले गुठीका प्रतिनिधिहरुलाई मूर्ति हस्तान्तरण गरेपछि स्थानीयले बाजागाजा र अबिर लगाइदिँदै खुसी साटे । उक्त मूर्तिलाई सुनाकोठी नै लगिएको छ ।