काठमाडौमा महिला फोटोग्राफरलाई एक दिने प्रशिक्षण

१८ चैत्र ०७८, काठमाडौं । राजधानीका महिला फोटोग्राफरहरुलाई एक दिने प्रशिक्षण दिईएको छ । काठमाडौं फोटोग्राफर संघको आयोजनामा राजधानीको बानेश्वरमा आयोजित प्रशिक्षणमा महिला फोटोग्राफरहरुको सहभागिता रहेको संघका सचिव हरिप्रसाद घिमिरेले बताए ।
कार्यक्रम संयोजक आनन्द प्रभाकर घिमिरेका अनुसार संघका अध्यक्ष डिगम्बर राजबंशीले प्रशिक्षण दिएका थिए । महिलाहरुलाई फोटोग्राफी पेशामा आर्कषण गराउनका लागि प्रशिक्षण कार्यक्रम आयोजना गरिएको घिमिरेले बताए । उनका अनुसार प्रशिक्षण निःशुल्क प्रदान गरिएको थियो ।