कोकिनसहित विमानस्थलबाट दुई विदेशी महिला पक्राउ

११ वैशाख ०७९, काठमाडौं । त्रिभुवन अन्तर्राष्ट्रिय विमानस्थलबाट सात किलोभन्दा बढी कोकिनसहित दुई विदेशी महिला पक्राउ परेका छन् । पर्नेमा भारतीय नागरिक ३५ वर्षीया लाल्नुपुई र जाम्बियाकी ३५ वर्षीया कपुटुला अविर्साग रहेकी छन् ।

कपुटला कतार एयलाइन्सको विमानबाट काठमाडौं अवतरण गरेकी थिइन् । उनलाई वैशाख ३ गते र लाल्नुपुईलाई वैशाख ४ गते पक्राउ गरिएको हो ।
भारतीय महिला लाजिम्पाट क्षेत्रको एक होटेलमा बस्दै आएकी थिइन् । उनी कोकिन ‘रिसिभ’ गर्न विमानस्थल पुगेकी थिइन् ।

बरामद भएको कोकिन सर्वाधिक महँगो लागुऔषधमध्ये एक हो । जसको बजार मूल्य नेपाली रुपैयाँ सात करोड हाराहारी पर्ने प्रहरीले जनाएको छ ।