वडालाई प्रविधिमैत्री बनाउने योजना अघि सार्दै थापामगर

१७ वैशाख ०७९, ललितपुर । नेकपा एमाले ललितपुर महानगर २ वडाध्यक्षका दावेदार पुरुषोतम थापा मगरले आफू वडाध्यक्षमा विजयी भए वडा कार्यालयलाई प्रविधिमैत्री बनाउने योजना अघि सारेका छन् ।
ल्लितपुरको सानेपा आसपास रहेको यो वडामा शिक्षित नागरिक बसोवास गर्ने भएकाले वडालाई प्रविधि मैत्री बनाएर पेपर लेस बनाउनु जरुरी रहेको थापाले बताए ।
थापाले भने, “हामीले यस वडालाई पेपर लेस बनाउँनेछौँ । वडाबाट गरिने सम्पूर्ण कार्य डिजिटल प्रविधि मार्फत अघि बढाइनेछ ।” सो वडाले झंसिखेल तथा ताँचलका साथै बल्खुको केही भाग पनि समेट्ने भएकाले वडालाई पेपरलेस बनाउदा धेरै कागजपत्रको खपत घट्ने र वडाको सरसफाईमा समेत सहयोग पुग्ने थापा मगरले बताए ।
ललितपुर महानगरपालिकाको वातावरणलाई व्यवस्थीत बनाउन आवश्यक सम्पूर्ण काममा ध्यान दिइने उनले दाबी छ । “यस अघि वडाबाट गर्नुपर्ने ८५ प्रतिशत काम सम्पन्न गरिसकेका छाँै । अब पनि ९० प्रतिशत माथिको काम सम्पन्न गर्नेछाँै”, उनले थने, “ यहाँका वडावासी एमालेका उम्मेदवारप्रति ज्यादै उत्साहित हुनुभएकाले विजतको निश्चितता भइसकेको छ ।”