ललितपुरमा २६ वर्षीया महिलालाई बलात्कार गरेको आरोपमा २३ वर्षीय युवक पक्राउ

२० वैशाख ०७९, ललितपुर । ललितपुरमा बलात्कारको आरोपमा एक युवक पक्राउ परेका छन् । प्रहरीले २६ वर्षीया महिलालाई जबरजस्ती करणी गरेको अभियोगमा एकजनालाई पक्राउ गरेको हो ।

पक्राउ पर्नेमा त्रियुगा नगरपालिका ४ त्रिबोच घर भएका २३ वर्षीय टंक बहादुर वि.क रहेका छन् । करणी गरेको सूचनाको आधारमा प्रहरी वृत्त सातदोबाटोबाट खटिएको प्रहरीले उनलाई महालक्ष्मी नगरपालिका४ इमाडोल शिलतहाइटबाट पक्राउ गरेको हो । पक्राउ परको उनीमाथि थप अनुसन्धान भइरहेको प्रहरीले जनाएको छ ।