ललितपुरको कोज्योसोम अध्यक्षमा कृष्णमान लामा विजयी

ललितपुर खबर
२ जेठ ०७९, ललितपुर ।  ललितपुरको कोन्ज्योसोम गाउँपालिका प्रमुखमा गठबन्धनलाई हराएर नेकपा एमाले विजयी भएको छ। एमालेका उम्मेदवार कृष्णमान लामा ३ हजार १ सय ४ मत ल्याएर विजयी भएका हुन्। उनका निकटतम् प्रतिद्वन्द्वी गठबन्धनको तर्फबाट माओवादी केन्द्रका उम्मेदवार गोपीलाल सिंतानले २ हजार ५०९ मत ल्याए।

सिंतान यसअघि २०७४ मा गाउँपालिकाको प्रमुख निर्वाचित भएका थिए। उपाध्यक्षमा भने गठबन्धनको तर्फबाट उम्मेदवारी दिएका कांग्रेसका राजनप्रसाद घिमिरे विजयी भएका छन्। उनले ३ हजार २ सय २७ मत ल्याए। उनका प्रतिद्वन्द्वी एमालेका रनिता तामाङले २ हजार ४८ मत ल्याइन्।