ललितपुरमा काँग्रेसका चिरिबाबु मेयरमा र एमालेकी मञ्जलीको उपमेयरमा फराकिलोे अग्रता

६ जेठ ०७९, ललितपुर । ललितपुर महानगरपालिकाको मेयरमा कांग्रेसका उम्मेदवार चिरिबाबु महर्जनले अग्रता कायमै राखेका छन् । ४२ हजार ६०२ मतगणना गर्दा २१ हजार ९ सय ४ मत ल्याएर महर्जनले अग्रता कायमै राखेका हुन् ।
उनलाई एमालेका हरिकृष्ण ब्यञ्जनकारले १२ हजार ५सय २३ र राप्रपाका अष्टबहादुर महर्जनले २ हजार १ सय मत ल्याएर पछ्याइरहेका छन् ।
उपप्रमुखमा एमालेकी मन्जली शाक्यले पनि माओवादी केन्द्रका मेयर उम्मेददारसँग फराकिलो अग्रता नै काय म राखेकी छिन् । उनले १२ हजार ३ सय ६९ मत ल्याएर अग्रता लिइरहँदा माओवादी केन्द्रका बाबुराज बज्राचार्यले ८ हजार ६ सय ९७ मत ल्याएर पछ्याइरहेका छन् ।
उमेदवार नै नभएको रुख चिह्नमा समेत उपमेयरमा ५ हजार ९३२ मत खसेको छ ।