ललितपुर अपडेटः २२ हजार ३५ मत गन्न बाँकी हुँदा चिरीबाबुको अग्रता कायमै

८ जेठ ०७९, ललितपुर । ललितपुर महानगरपालिकाकाे मेयरमा गठबन्धनबाट नेपाली कांग्रेसका चिरीबाबु महर्जनकाे अग्रता कायमै छ ।

अहिलेसम्म ६३ हजार आठ सय २६ मतगणना हुँदा महर्जनलेले ३२ हजार तीन सय ७८ मत प्राप्त गरेका छन् । उनलाई नेकपा एमालेका हरिकृष्ण व्यञ्जनकारले १८ हजार आठ सय ८६ मतसहित पछ्याइरहेका छन् । महर्जन व्यञ्जनकार भन्दा १३ हजार चार सय ९२ मतले अघि छन् ।

उपमेयरमा भने एमालेकी मन्जली शाक्यले अग्रता बनाइरहेकी छन् । उनले अहिलेसम्म १८ हजार तीन सय नाै मत ल्याएकी छन् । उनलाई गठबन्धनका तर्फबाट माओवादी केन्द्रका बाबुराज बज्राचार्यले १३ हजार चार सय ७२ मतसहित पछ्याइहेका छन् ।

अब ललितपुर महानगरपालिकामा २२ हजार ३५ मत गन्न गर्न बाँकी छ ।