काठमाडौंमै पहिरोका कारण आवागमन प्रभावित

न्युज कारखाना
१६ असार ०७९ काठमाडौं । काठमाडौंको शंखरापुर नगरपालिका २ बाउन्नेपाटीमा पहिरो झरेका कारण गएरातीबाट ठुला सवारी साधनको आवागमन प्रभावित भएको छ ।
बर्षाको कारण अन्दाजी १० मिटर सडक माथिबाट खसेको पहिरोका कारण साँखु–मेलम्चि सडकखण्डको उक्त स्थानमा ठुला सवारी साधन सञ्चालनमा समस्या भएको हो ।
साना सवारी साधनलाई पनि एक लेनमा आलोपालो चलाइएको छ ।
गएराती १० बजे पछि अवरुद्ध सडक दुईतर्फी खुलाउने प्रयास भइरहेको प्रहरी चौकी नाङलेभारेले जनाएको छ ।