ललितपुरको एकान्तकुनामा टिपरसँग ठोकिएर मोटरसाइकल चालक ठेचो बस्ने राईको मृत्यु

११ साउन ०७९, काठमाडौं । ललितपुरको एकान्तकुनामा टिपरसँग ठोक्किएर मोटरसाइकल चालक ललितपुरको ठेचो बस्ने २३ वर्षीय ठगेन्द्र राईको मृत्यु भएको छ ।
मंगलबार राति नौ बा ३ ख ५७७ नम्बरको रोकिराखेको टिपरमा बागमती प्रदेश ०२–०२७ प ६३३८ नम्बरको मोटरसाइकल ठोक्किंदा को मृत्यु भएको छ भने मोटरसाइलमा सँगै बस्ने अर्का यात्री घाइते भएका छन् ।
मोटरसाइकल चालक खोटाङ घर भई राईको उपचारको क्रममा अल्का अस्पताल जावलाखेलमा मृत्यु भएको प्रहरीले जानकारी दिएको छ ।
दुर्घटनामा मोटरसाइकलको पछाडि सवार ललितपुरको महालक्ष्मी नगरपालिका बस्ने ३५ वर्षीय सुरज अधिकारी घाइते भएका छन् । उनको अल्का अस्पतालमा उपचार भइरहेको छ ।
टिपर सडकमा रोकेर राख्ने चालकलाई प्रहरीले नियन्त्रणमा लिएको छ ।