झरुवाराशीबाट १२ जना जुवाडे पक्राउ

१७ साउन ०७९, चापागाँउ । ललितपुरको झरुवाराशीबाट १२ जना बाह्रमासे पक्राउ परेका छन् । प्रहरीका अनुसार ललितपुरको गोदावरी नगरपालिका १३ झरुवाराशी बस्ने महाकाल गाउँपालिका २ मानिखेल घर भएका ६६ वर्षीय बलाराम घिमिरेको घरमा जुवातास खेलिरहेको अवस्थामा घिमिरे समेत १२ जनालाई आइतबार राति प्रहरीले पक्राउ गरेको छ ।
उनको घरमा जुवातास खेलिरहेको सूचनापछि प्रहरी वृत्त चापागाउँबाट खटिएको प्रहरीले उनीहरूलाई नगद २ लाख २१ हजार रूपैयाँ, ३ बुक तास र १७ वटा कौडा सहित फेला पारी पक्राउ गरेको हो ।
उनीहरुमाथि कानूनी प्रकृया सुरु गरिएको प्रहरीको भनाई छ ।