ललितपुरको ताल्छिखेल र काठमाडौंको नागार्जुनमा एक एक जना पुरुष मृत फेला

२५ साउन ०७९, काठमाडौं । काठमाडौंको नागार्जुन र ललितपुरको ताल्छिखेलमा एक एक जना मृत अवस्थामा फेला परेका छन् ।
प्रहरीका अनुसार काठमाडौंको नागार्जुन नगरपालिका ६ रामकोटस्थित मकैबारीमा सोही नगरपालिका ७ रामकोट बस्ने ४० वर्षीय नवराज गिरी मंगलबार मृत अवस्थामा फेला परेका हुन् । गत शुक्रबारदेखि घरबाट हराएका उनको खोजी गर्ने क्रममा उक्त स्थानमा शव फेला परेको हो ।
साथै ललितपुरको ललितपुर महानगरपालिका १४ ताल्छिखेल बस्ने भोजपुर घर भएका ७० वर्षीय बृद्ध हरि बहादुर श्रेष्ठ ताल्छिखेलकै सडक छेउमा मंगलबार मृत अवस्थामा फेला परेका छन् ।
घटनाहरुका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।