काठमाडौंको बनस्थली र हलचोकमा २ जना मृत अवस्थामा फेला

२४ भदौं ०७९, काठमाडौं । काठमाडौंको बनस्थली र हलचोकमा एक एक जना मानिसहरु मृत अवस्थामा फेला परेका छन् । प्रहरीका अनुसार महानगरपालिका १६ बनस्थलीस्थित गार्मेन्टमा काम गरी बस्ने महोत्तरी सम्सी गाउँपालिका ३ घर भएका ५० वर्षीय फर्मुद अन्सारी सुतेकै ठाउँमा बिहीबार मृत अवस्थामा फेला परेका हुन् ।
साथै काठमाडौं नागार्जुन नगरपालिका ३ हलचोकस्थित हाल नाम, थर नखुलेका करिब ४५ वर्षीय पुरुष बुधबार मृत अवस्थामा फेला परेका छन् ।
घटनाहरुका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।