काठमाडौंमा एक महिनाभित्र दर्ता नगरी व्यावसाय गरे कारवाही

२ कात्तिक ०७९, काठमाडौं । काठमाडौं नगरपालिकाले दर्ता नभएका व्यावसाय एक महिनाभित्र नगरे कारवाही गर्ने भएको छ ।
महानगरले वडा कार्यालयमा गई व्यवसाय दर्ता गर्न सकिने महानगरले सूचना प्रकाशित गरेर भनेको छ ।
महानगरले संघ र प्रदेश सरकारबाट इजाजत लिई व्यवसाय गरिरहेकाहरूले पनि काठमाडौं महानगरपालिकाबाट व्यवसाय दर्ता गरी सञ्चालन गर्नुपर्ने महानगरको भनाई छ ।
महानगरको बबरमहलस्थित राजश्व विभागले सूचना जारी गरेर महानगर क्षेत्रभित्र व्यापार व्यवसाय सञ्चालन गर्ने कतिपय व्यवसायीहरूले संघ र प्रदेश सरकारबाट इजाजत लिएको तर महानगरबाट अनुमति नलिइएको पाइएको उल्लेख गरेको छ।
अनुगमनका क्रममा महानगरमा दर्ता नगरी व्यवसाय गरेको पाइएमा कारबाही गरिने पनि महानगरले जनाएको छ। व्यवसाय बन्द गरी जरिवानासमेत असुल गर्ने चेतावनी पनि महानगरले दिएको हो।