४ कात्तिक ०७९, ललितपुर । हिन्दुहरुको दोश्रो ठूलो पर्व तिहारको पुर्वसन्धामा ललितपुरको जावलाखेलमा १५ औं गोदावरी पुष्पमेला सुरु भएको छ ।
ल्लितपुरको जावलाखेलस्थित फुटवल चौरमा सुरु पुष्पमेला सुरु भएसँगै विभिन्न रंगीविरंगी फुलले सझिएको छ । फ्लोरिकल्चर एशोसिएशन नेपालले आयोजना गरेको पुष्पमेलामा विहीबार फुल किन्ने हेर्ने र सेल्फी खिच्नेको भीड थियो ।
मेला कात्तिक ६ गते आइतबारसम्म चल्ने छ । प्रदर्शनमा ५६ वटा फूलका स्टलहरु छन् भने यहाँ गोदावरी, सयपत्री,जाई चमेलीलगायतका विभिन्न फूलहरु छन् ।
यहाँ एक सय रुपैयाँदेखि १५ हजारसम्म तिरेर फुल किन्न सकिन्छ ।
तिहारसुरु भएसँगै राजधानीबासी आफ्नो फुलबारी सझाउन फूल फुलेको बोटसहितका विरुवा किनेर घर लैजाने गर्दछन् ।
प्रतिक्रिया