दक्षिण ललितपुरको भट्टेडाँडामा भिषण आगलागी, घरगोठ जलेर नष्ट, लाखौंको क्षति

९ बैशाख । दक्षिण ललितपुरको भट्टेडाँडास्थित भैसे गाँउको एक घरमा आगलागी भएको छ ।
स्थानीय रामशरण सापकोटाको घरबाट सल्केको आगो फैलेपछि घर र गोठ पूर्ण रुपमा जलेको स्थानीय थलप्रसाद सापकोटाले ललितखबरसँग बताए । उनले भने, ‘समयमै उद्दार हुन सकेकाले पशुपञ्छी र मानवीय क्षति भने हुन पाएन ।’
भट्टेडाँडा प्रहरी चौकीका अनुसार गोठको छानामा टिनमा छोएर ल्याइएको विजुलीको तार शुक्रबार आएको हावा हुरीले काटेपछि आज सर्ट भएको थियो । विद्युत् सर्ट भएपछि छानाबाट सुरु भएको आगो घर र गोठमा फैलिएको हो ।
प्रहरीका अनुसार घरबाट केही सरसामान भने निकाल्न सकिएको छ ।
विहानैदेखि सुरु भएको आगलागी पुल्चोकस्थित बारुणयन्त्रबाट गएको दुई वटा दमकलले नियन्त्रण प्रयास गरिरहेको छ । करिव ३० किलोमिटर टाढा पहाडको चुचुरोमा पहिलोपल्ट दमकल पुगेर आगो नियन्त्रण लिएको हो ।