विवाहपछि दुलन फर्काउन जाने क्रममा गिम्दीको ठाँटी भञ्ज्याङ हुँदै गन्तव्यतर्फ गइरहेको हाइलेक्स गाडीले २६ बर्षिय राजकुमार बरामलाई ठक्कर दिएको
ललितखबर
१७ बैशाख । दक्षिण ललितपुरको गिम्दीको ठाँटी भञ्ज्याङमा तरकारी बोक्ने गाडीले बटुवालाई ठक्कर दिदा एक युवक गम्भिर घाइते भएका छन् ।
विवाहपछि दुलन फर्काउन जाने क्रममा दक्षिण ललितपुरको वागमती गाँउपालिका ७ गिम्दीको ठाँटी भञ्ज्याङ हुँदै गन्तव्यतर्फ गइरहेको हाइलेक्स गाडीले २६ बर्षिय राजकुमार बरामलाई ठक्कर दिएको गिम्दी प्रहरी चौकीले ललितखबरलाई जानकारी दिएको छ ।
प्रहरी चौकीका अनुसार दक्षिण ललितपुर महाकाल ५ बतासे बस्ने नर्बु गोलेले चलाएको हाइलेक्स वागमती प्रदेशको एसी ९५५१ नम्बरको गाडीले ठक्कर दिएको हो । घाइते गोलेको अवस्था गम्भिर छ । उनको टाउकोमा ठक्कर लागेको छ भने कानमा घाउ रहेको छ ।
चालकले बटुवा नदेख्दा ठक्कर लाग्न पुगेको चालकलाई उदृत गर्दै प्रहरीले जानकारी दिएको छ ।
आवश्यक अनुसन्धानका लागि गाडी र चालकलाई नियन्त्रणमा लिएर अनुसन्धान सुरु गरिएको प्रहरीको भनाई छ ।
घाइतेलाई उपचारका लागि एम्बुलेन्समा राजधानीतर्फ पठाइएको प्रहरीले बताएको छ ।
प्रतिक्रिया