विस्पोटक पदार्थसहित पक्राउ ललितपरका नेता बज्राचार्य रिहा

ललितखबर
१ साउन । विस्पोटक पदार्थ सहित गत ३ बर्ष अघि पक्राउ परेको नेकपा माओवादी (विप्लव)का नेता सानुराजा बज्राचार्य जेलबाट रिहा भएका छन् ।
नख्खु जेलका अनुसार २०७७ असार २३ गतेबाट जेल बसेका बज्राचार्य ३ बर्ष १ महिना भुक्तान गरेकाले आइतबार रिहा भएका हुन् । उनले ३५ हजार जरिवाना समेत बुझाएर रिहा भएका हुन् ।
उनलाई अदालतले विस्पोटक पदार्थ सम्बन्धि कसुरमा ३ बर्ष १ महिना कैद र २५ हजार जरिवाना तोकेको थियो । उनलाई हातहतियार तथा खरखजाना १० हजार जरिवाना तोकेको थियो ।
बज्रचार्यलाई जेलबाट बाहिरिएसँगै पार्टीसम्बद्ध नेताहरुले फूल माला लगाएर खुशीयाली मनाएका छन् ।