दक्षिण ललितपुरको कोञ्ज्योसोममा संरक्षित जनावर भालु मारेको अवस्थामा फेला

‘म पानीमा भालुको खोपडी भेट्न झरनामा हाम फालेँ, उसको हात जमिनमा केही फिट बाहिर काटिएको थियो। यो क्रूर अपराध केही हप्ता/दिन अघि मात्र भएको थियो

२९ साउन । दक्षिण ललितपुरको कोञ्ज्योसोममा घुम्न जाने क्रममा संरक्षित जनावर भालु मारेको अवशेषहरु फेला परेको छ ।
फोटोपत्रकार स्कन्द गौत्तमको टोली कोञ्ज्योसोमको एक झरनामा मारेर फ्याकिएको अवस्थामा भालुको खापडी र खुट्टाको अवशेषहरु फेला पारेका हुन् ।
फोटोपत्रकार गौत्तमले सामाजिक सञ्जालमा तस्विर र भिडियो पोष्ट गर्दै ‘ललितपुरको भ्रमणको क्रममा निकै दुःखदायी अनुभव गरेको’ कुरा पोष्ट गरेका छन् ।

म एक पशु प्रेमी र मालिकको रूपमा आज धेरै भारी हृदय थियो । हामी यी निर्दोष आत्माहरूलाई कसरी मद्दत गर्ने ?

उनले भनेका छन्,‘म पानीमा भालुको खोपडी भेट्न झरनामा हाम फालेँ, उसको हात जमिनमा केही फिट बाहिर काटिएको थियो। यो क्रूर अपराध केही हप्ता/दिन अघि मात्र भएको थियो ।’
स्रोतलाई उदृत गर्दै फोटोपत्रकार गौत्तमले कोञ्जयोसोम गाउँपालिका निर्दोष जनावरको शिकार र हत्याका लागि कुख्यात रहेको लेखेका छन् । काँचो मासु बिक्री हुने चर्चा सामान्य लेख्दै सबै विवरणहरू अझै थाहा हुन र स्थानीय अधिकारीहरूसँग पुष्टि हुन बाँकी रहेको उनको भनाई छ । ‘म एक पशु प्रेमी र मालिकको रूपमा आज धेरै भारी हृदय थियो । हामी यी निर्दोष आत्माहरूलाई कसरी मद्दत गर्ने ?’ उनले प्रश्न गरेका छन् ।

 

मैले डिएफओसँग पनि कुरा गरे । त्यो हाम्रो क्षेत्र नभई काभ्रेतिर हो भन्ने कुरा आएको छ

महानगरिय प्रहरी बृत्त चापागाँउका डिएसपि कृष्ण कुमार चन्दले भालुको खोपडी भेटिएको ठाँउ आफ्नो सुरक्षाको अधिकार क्षेत्रभित्र नपर्ने बताए । उनले भने, ‘मैले डिएफओसँग पनि कुरा गरे । त्यो हाम्रो क्षेत्र नभई काभ्रेतिर हो भन्ने कुरा आएको छ ।’
कोञ्ज्योसोमको झरना भएपनि सिमानामा काभ्रेमा पर्ने ललितपुर जिल्ला वन कार्यालयका प्रमुख राम कुमार भण्डारीले बताए । उनले भने, ‘मैले खबर गरिदिएको छु ।’
भालुको पित्त अबैध रुपमा चोरी निकासी हुने भएकाले घटना भएको हुनसक्ने सुरक्षा अधिकारीहरुको आशंका छ ।

हेर्नुस् भिडियो : (भालुको मृत अवशेष भिडियोको अन्तमा खिचिएको छ ।)