बज्रबाराही चापागाँउ अस्पतालको दोश्रोपल्ट शिलान्याश

ललितखबर
३१ भदौं ।बज्रबाराही चापागाँउ अस्पतालको दोश्रोपल्ट शिलान्याश गरिएको छ ।
अर्थमन्त्री प्रकाशशरण महतले आइतबार विहान बज्रवाराहीमा अस्पतालको शिलान्याश गरेका छन् ।
झण्डै ४ बर्षअघि तत्कालीन एमालेको सरकारको बेला अर्थमन्त्री विष्णु पौडेलले नगरस्तरिय अस्पतालको रुपमा शिलान्याश गरेको अस्पताल सरकार परिवर्तन भएसँगै गठबन्धन सरकारले काम रोकेको थियो । तत्कालीन प्रधानमन्त्री केपी ओली सरकारले देशभर ३ सय ९३ वटा स्थानीय तहमा निर्माण गर्न अस्पताल शिलान्याशको क्रममा यो अस्पताल पनि परेको थियो । राजनीतिक खिचातानीका कारण यो निर्णय कार्यान्वयन हुन भएको थिएन ।
दोश्रो पल्ट अस्पताल शिलान्याश गरेपछि अर्थमन्त्री महत आफू झस्केको बताए । उनले भने प्रदेशस्तरिय अस्पताल भएकाले प्रदेशले नै बजेट सुनिश्चितता गरेर काम सुरु गरेको उनको भनाई थियो ।
अस्पताल व्यवस्थापन समितीका अध्यक्ष कृष्णचन्द्र महर्जनले कार्यक्रममा बोल्दै सबैको सहयोग नभए अस्पताल नबन्ने बताए ।
।
जिल्ला समन्वय समितीका अध्यक्ष ऋषिराम फुँयालले अस्पताल निर्माणपछि दक्षिण ललितपुरको लागि कोषेढुंगा सावित हुने दावी गरे । उनले ललितपुरमा सरकारी मातहतका अस्पताल नभएकाले महत्व दिएर काम गर्नुपर्ने बताए ।
वागमती प्रदेश सरकारले ३ करोड बजेट विनियोजन गरेर भवन निर्माण सुरु गरिएको छ ।
एम के विल्र्डस एण्ड कन्ट्रक्सन कम्पनीले टेण्डरमार्फत १६ करोड १३ लाख १५ हजार ठेक्कामा भवन निर्माण गरिरहेको छ । गत असार १५ बाट काम सुरु गरिएको भवन निर्माण २०८३ असार १५सम्म पुरा भई सरकारलाई हस्तान्तरण गर्नुपर्ने कार्यादेश छ ।
पछिल्लो समय अस्पतालमा सेवा लिने विरामीको चाप बढेको भए पनि अस्पतालले राम्रो सेवा नदिएको गुनासो बढेको छ