ललितपुर फर्सीडोलमा ट्रक दुर्घटना : चालकको मृत्यु

२३ फागुन । ललितपुर फर्सीडोलस्थित इटा भट्टामा ट्रक दुर्घटनापछि एक युवकको मृत्यु भएको छ ।
प्रहरीका अनुसार ललितपुर महानगरपालिका २२ फर्सिडोलस्थित हिरा इटा भट्टामा बा।२ क ६२४ नम्बरको मिनि ट्रक पल्टिएर मंगलबार साँझ दुर्घटना भएको थियो ।

दुर्घटनापछि चालक महानगरपालिका २२ फर्सडोल बस्ने दाङ लमही घर भएका २८ वर्षीय निम बहादुर कुमालको मृत्यु भएको छ ।
दुर्घटनामा गम्भीर घाइते उनको उपचारका क्रममा उनको स्टार अस्पताल सानेपामा लगिएको थियो । उपचारको क्रममा मृत्यु भएको डाक्टरहरुले घोषणा गरेका हुन् ।