ललितपुर प्रशासनमा राष्ट्रिय परिचय पत्र लिनेको भीड, अस्थायी स्टेशन थपिए

चापागाँउ
४ असार । बृद्ध भत्ता लगायत सामाजिक सुरक्षा भत्ता लिन सरकारले राष्ट्रिय परिचय पत्र अनिवार्य गरेपछि जिल्ला प्रशासन कार्यालयमा भीड बढेको छ ।
परिचय पत्र बनाउन भीड बढेपछि जिल्लाका सबै पालिकामा प्रशासन कार्यालयले अस्थायी स्टेशन खडा गरेर आजदेखि सेवा सुरु गरेको छ ।
सहायक प्रजिअ कल्पना घिमिरे नेपालका अनुसार स्थानीय निकायसँगको सहकार्यमा वडा वडासम्म सेवा विस्तार गर्ने व्यवस्था मिलाइएको छ ।
अनलाइन फारम समेत कार्यालय परिसरबाटै भर्ने व्यवस्था गरिएको उनको भनाई छ । प्रशासनले विरामी अशक्त र अपाङ्गता भएका सेवाग्राहीले लाइन बस्न नपर्ने र आवश्यकत्ता अनुसार अस्थायी स्टेशन बृद्धि गरिएको समेत उनले जानकारी दिएकी छिन् ।