ललितपुरको तपुपोखरी जीर्णोद्धारका लागि बजेट अभाव

केही वर्षअघि टीकाभैरवबाट बग्ने राजकुलोको पानीले भरिने तपुपोखरी, राजकुलो सुकेपछि अहिले अकासे पानीले भरिने गर्छ

ललितपुर
११ असोज । ललितपुर महानगरपालिका–५ मा अवस्थित प्राचीन तपुपोखरीको जीर्णोद्धारका लागि बजेट अभाव भएको छ ।
जीर्णोद्वार तथा उपभोक्ता समितिका अध्यक्ष केशव खड्काले जीर्णेद्धारका लागि ललितपुर महानगरपालिकाले पर्याप्त बजेट नदिएको गुनासो गरे । महानगरले पोखरी जीर्णोद्धारको लागि रु २४ लाख मात्रै बजेट छुट्याएको जानकारी दिए ।

तपुपोखरी संरक्षण र व्यवस्थित गर्न बजेट अभाव भएको बताउँदै उनले जीर्णोद्धारका लागि उक्त रकम पर्याप्त नभएको बताए
बजेट अभाकै बीच प्राचीन तपुपोखरीको जीर्णोद्धार प्रारम्भ भएको छ ।

यो पोखरी पितृतर्पण एवं श्राद्धपछि पिण्ड विसर्जन गर्ने स्थानका रूपमा परिचित छ ।

सोह्रौँ शताब्दीमा निर्माण भएको ठानिएको पोखरी कुैन समय १९ रोपनीमा फैलिएकामा हाल एक रोपनीमा सीमित भएका उनले बताएका छन् ।

केही वर्षअघि टीकाभैरवबाट बग्ने राजकुलोको पानीले भरिने तपुपोखरी, राजकुलो सुकेपछि अहिले अकासे पानीले भरिने गर्छ । पिण्ड विसजर्नका लागि पानी आवश्यक पर्ने भएकाले कुमारी क्लब उभोक्ता समितिले पानीको व्यवस्था गर्दै आएको छ ।