दक्षिण ललितपुरको घुसेलमा नागरिक–सैनिक सम्बन्धलाई सुदृढ बनाउन हाजिरी जवाफ

चापागाँउ
पछिल्लो समय नेपाली सेना व्यारेकबाट बाहिर आएर नागरिकसँग घुलमिल गर्न विविध कृयाकलाप गरिरहेको पाइन्छ । ललितपुरको लेले सानो भैसेमा ब्यारेकमा तैनाथ श्री बटुकदल गणले दक्षिण ललितपुरको घुसेल पुगेर विद्यार्थीहरुबीच हाजिरी जवाफ प्रतियोगिता सम्पन्न गरेको छ ।
सैनिक श्रोतले दिएको जानकारी अनुसार संरक्षण तथा राष्ट्रिय एकताको भावना जागृत गर्न सो कार्यक्रम सञ्चालन गरिएको हो ।

गणका सेनानी सपन काजी थापाको नेतृत्वमा खट्टिएको टोलीले बागमती १ घुसेलस्थित श्री घुसेल माध्यमिक बिद्यालयमा नेपालको ईतिहास, नेपाल एकिकरण, नेपालको संविधान, भुगोल, सामाजिक तथा सांस्कृतिक परम्परा, खेलकुद लगायत समसामयिक बिषयबस्तुहरु समावेश गरी हाजिरी जवाफ प्रतियोगिता संचालन गरेको हो ।

उक्त बिद्यालयका ४ वटा टिमलाई सहभागी गरिएको हाजिरीजवाफ प्रतियोगिता कार्यक्रममा बागमती वागमती १ का वडाध्यक्ष ज्ञानबहादुर लो, उक्त बिद्यालयका शिक्षक, शिक्षिका, बिद्यार्थी, स्थानीयबासी लगायत बिद्यार्थीका अभिभावकको उपस्थिति रहेको थियो । प्रतियोगितामा विजयी हुने टिमलाई नगद पुरस्कार सहित स्टेस्नरीका सामाग्रीहरु पुरस्कार समेत बितरण गरिएको थियो ।