काठमाडौँ
ललितपुरका सासंद रामेश्वर श्रेष्ठको घरै पुगेर सञ्चारमन्त्री जगदीश खरेलले भेटवार्ता गरेका छन् ।
ललितपुर क्षेत्र नं. २ बाट सासंदमा उम्मेदवारी दिने चर्चाबीच सञ्चार तथा सूचना प्रविधिमन्त्री जगदीश खरेलले बागमती प्रदेशका सांसद रामेश्वर श्रेष्ठसँग भेटवार्ता गरेका हुन् ।
ललितपुरको महालक्ष्मी नगरपालिका टीकाथलीस्थित निवासमा भएको भेटमा आगामी निर्वाचन र विकास निर्माणलगायतका समसामयिक विषयमा कुराकानी भएको सञ्चारमन्त्री खरेलले जानकारी दिएका छन् ।
सङ्घ, प्रदेश र स्थानीय तहको बलियो समन्वय र सहकार्यलगायत विषयमा पनि दुई जनाहरुबीच छलफल बताइएको छ । सञ्चारमन्त्री खरेलले पछिल्लो समय निर्वाचनको वातावरण बनाउनका लागि ठूला राजनीतिक दलका शीर्ष नेताहरुसँग एकपक्षीय र बहुपक्षीय भेटवार्ता गर्दै आएका थिए । सञ्चारमन्त्री खरेलले प्रदेशका मुख्यमन्त्रीदेखि विभिन्न मन्त्रीहरुसँग पनि चरणबद्ध भेटवार्ता र विकास निर्माणलगायत समसामयिक विषयमा छलफल गरिरहेका छन् ।
आगामी फागुन २१ गते हुने प्रतिनिधिसभाको निर्वाचनलाई सफल बनाउन सरकारकातर्फबाट सबैखाले तयारी भएको छ । राजनीतिक दलहरुले पनि निर्वाचनको तयारी र निर्वाचनसम्बन्धी गतिविधिलाई तीव्रता दिएका छन् ।
प्रतिक्रिया