अशोक दुलाल
ललितपुर महानगरपालिका २४ धापाखेलस्थित नागदह वरपरको जग्गा सरकारले अधिकरण गर्ने भएको छ ।
ललितपुर महानगरपालिका २४ का वडाध्यक्ष दिनेशजंग पाण्डेका अनुसार नागदहको वरपर २० मिटर जग्गा सरकारले अधिकरण गरेर पार्क लगायत संरचना निर्माण गरेर नागदह संरक्षण गर्ने योजना बनाइएको छ ।
ती जग्गा चलनचल्तीको मूल्य तिरेर अधिकरण गर्न केन्द्र सरकारसँग समन्वय गरिएको उनले बताएका छन् ।
मेयर चिरीवावु महर्जनले केही दिनअघि नागदह संरक्षणका लागि महानगरले मास्टरप्लान बनाइरहेको खुलासा गर्दै मन्त्रीपरिषदको निर्णयपछि कार्यान्वयन हुने जानकारी दिएका थिए ।
केही समयअघि वडाध्यक्ष पाण्डेको नेतृत्वमा नागदह संरक्षणका लागि समिती बनाइएको छ ।
प्रतिक्रिया