चावहिलमा सहकारीको कर्मचारीबाट २ लाख रुपैयाँ लुटपाट

१६ पुस ०७७, चावहिल । काठमाडौं महानगरपालिका ७ चाबहिलस्थित एवान क्याफे नजिकबाट सन्घुस बचत तथा ऋण सहकारी संस्थाको बजार संकलकको साथबाट नगद २ लाख रुपैयाँ बुधबार दिउँसो लुटपाट भएको छ ।
बा।४ प २९५६ नम्बरको स्कुटरमा आएका २ जना अपरिचित व्यक्तिहरुले नगद लुटपाट गरी फरार भएको खबर प्राप्त हुनासाथ अनुसन्धानमा खटिएको प्रहरीले लुटपाटमा संलग्न फरार व्यक्तिहरुको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।
बलात्कारको अभियोगमा पक्राउ
मकवानपुर, १५ वर्षीया किशोरीलाई जबरजस्ती करणी गरेको अभियोगमा कैलास गाउँपालिका ३ गिन्ती बस्ने ३२ वर्षीय सुरेन मोक्तानलाई बुधबार दिउँसो प्रहरीले पक्राउ गरेको छ । घरमा कोही नभएको अवस्थामा ती किशोरीलाई सुरेनले जबरजस्ती करणी गरेको भन्ने खबर प्राप्त हुनासाथ प्रहरी चौकी भार्ताबाट खटिएको प्रहरीले उनलाई पक्राउ गरेको हो ।
मध्यपुर ठिमीमा चोरी
नगरपालिका ९ गाखु डेरा गरी बस्ने काभ्रे भुभ्लु घर भएका कल्याण महतको कोठाबाट १ थान ल्यापटप र सुनका बिभिन्न गहना समेत गरी करिब १ लाख ५९ हजार रुपैयाँ बराबरको धनमाल बुधबार दिउँसो चोरी भएको छ ।
चोरीमा संलग्न फरार व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।

सिमेन्ट फ्याक्ट्रीमा आगलागी, ४ करोडको मेसिन जल्यो
सुनवल नगरपालिका ११ स्थित सर्वोत्तम सिमेन्ट फ्याक्ट्रीमा सिमेन्ट मिल हपरमा बुधबार दिउँसो आगलागी हुँदा करिब ४ करोड रुपैयाँ बराबरको मेसिनहरु जलेर नष्ट भएको छ ।
दमकल र स्थानीयको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।
चन्द्रागिरीमा दुर्घटना, ३ जनाको मृत्यु
काठमाडौं, चन्द्रागिरी नगरपालिका १० काठमाडौं आयल स्टोरस्थित सडकमा बा।४ ख २५७७ नम्बरको टिपरको ठक्करबाट २ जना पैदलयात्रीको बुधबार राति घटनास्थलमै मृत्यु भएको छ । मृत्यु हुनेहरुमा काठमाडौं थापाथली बस्ने धादिङ गल्छी गाउँपालिका घर भएका २७ वर्षीय अभय लामा र काठमाडौं चन्द्रागिरी नगरपालिका(१२ गुर्जुधारा बस्ने चितवन घर भएका २५ वर्षीय सुबास गमाल रहेका छन् । टिपर र चालकलाई प्रहरीले नियन्त्रणमा लिएको छ ।
सर्लाही, लालबन्दी नगरपालिका १७ फुलजोरमा ना.५ ख ७४३१ नम्बरको ट्रक र ना।६२ प ५८०९ नम्बरको स्कुटर एक आपसमा ठक्कर खाई बुधबार बेलुका दुर्घटना हुँदा स्कुटी चालक ईश्वरपुर नगरपालिका(२ बस्ने ३५ वर्षीय राज कुमार लामाको मृत्यु भएको छ । दुर्घटनामा घाइते भएका उनको जिल्ला अस्पताल मलंगवामा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
दुर्घटनास्थलमा तत्काल खटिएको स्थानीय प्रहरीले आवश्यक उद्दार कार्य गर्नुका साथै यस सम्बन्धमा थप अनुसन्धान गरिरहेको छ ।
काठमाडौं कोहिटीमा मृत अवस्थामा फेला
काठमाडौं महानगरपालिका २० कोहिटीस्थित घरमा हाल नाम, थर, वतन, नखुलेका करिब ३० वर्षीय पुरुष बुधाबर मृत अवस्थामा फेला परेका छन् ।
कैलाली, गोदावरी नगरपालिका(४ स्थित चिसापानी खोलामा हाल नाम, थर, वतन नखुलेका करिब ३० वर्षीय पुरुष बुधबार मृत अवस्थामा फेला परेका छन् ।
यस सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।