काठमाडौ १४ का वडा सदस्यलाई भष्टाचारको मुद्दा

२१ माघ ०७८, काठमाडौं । काठमाडौं महानगरपालिका १४ का वडासदस्य भष्टाचार गरेको आरोपमा मुद्दा चलाइएको छ ।
अख्तियार दुरुपयोग अनुसन्धान आयोगले काठमाडौं महानगरपालिका १४ का वडासदस्य वसन्त महर्जन विरुद्ध विशेष अदालत बबरमहलमा मुद्दा दर्ता गरेको हो । जग्गाको मोहियानी हक नामसारी र नाता प्रमाणित गरी मोही प्रमाण पत्र र मालपोत तथा भूमि व्यवस्था कार्यालय काठमाडौंलाई सिफारिस दिनका लागि सेवाग्राहीसँग दुई लाख रुपैया घुस मागेको उजुरीका आधारमा आयोगबाट खटिएको टोलीले घुस.लिइसकेको अवस्थामा गत भदौं २१ ग्तेनियन्त्रणमा लिएको थियो ।
अख्तियारका सहायक प्रवक्ता वेदप्रसाद भण्डारीले विज्ञप्ती जारी गरी मुद्दा दर्ता गरेको जानकारी दिएका हुन् । जारी विज्ञप्ती अनुसार उनले घुस लिएकोे अनुसन्धानबाट पुष्टि हुन आएकोले भ्रष्टाचार निवारण ऐन, २०५९ को दफा ३ को उपदफा १ को कसुर भएकोले महर्जनलाई बिगो दुई लाख रुपैयाँ र सजायको माग गरेर मुद्दा चलाएको हो ।