२० चैत ०७८, काठमाडौं । प्रहरीले बैंकिङ कसुर मुद्दामा फरार रहेको अभियुक्तलाई बौद्धबाट पक्राउ गरेको छ । पक्राउ पर्नेमा इलामको सन्दरकपुर गाउँपालिका–४ भोटेगाउँ घर भई हाल तार्केश्वर नगरपालिका–५ लोलाङ बस्ने ४२ वर्षीय डाकमान गुरूङ रहेका छन् ।
उनलाई प्रहरीको केन्द्रीय अनुसन्धान ब्यूरो (सीआईबी)को टोलीले आइतबार बौद्धबाट पक्राउ गरेको हो ।
उच्च अदालत पाटनले २०७८ फागुन २९ गते उनलाई तीन दिन कैद र १५ लाख रुपैयाँ जरिवानाको फैसला सुनाएको थियो ।
गुरूङले आफ्नो बैंक खातामा पर्याप्त रकम नभएको जानी–जानी विभिन्न मितिमा चेक काटेर पीडितलाई झुक्याएको उजुरी परेपछि मुद्दा चलाइएको थियो ।
प्रतिक्रिया