नगर प्रहरीको राम्रो काम गरेका मेयर महर्जनको दावी,चक्रपथबाहिर सेवा नदिएको स्थानीयको गुनासो

ललितपुर

१९ माघ । ललितपुर महानगरका प्रमुख चिरीबाबु महर्जनले महानगर प्रहरीको कामबाट सबै नगरवासी खुसी रहेको दावी गरेका छन् ।
ललितपुर महानगरबाट सेवा प्रवाहका सन्दर्भमा नगर प्रहरीले गरेका कामको श्रव्यदृष्य सामग्री प्रदर्शनीमा प्रमुख महर्जनले २६ महिना अगाडि महानगरको प्रहरी प्रमुखमा सीताराम हाछेंथ ुनियुक्तभएपछि महानगरमा अन्य नगर र महानगरलाई सिकाउने गरी उदाहरणीय काम भएको भन्दै प्रशंसा गरे ।
“नगर प्रहरीको कामबाट सबै खुसी छन्, नगरप्रहरीमार्फत हामीले विधि पु¥याएर काम गरेका छौँ”, उनले दावी गरे । उनले नगरप्रहरीको कामले महानगरको सेवा प्रवाहलाई अत्यन्तै सहज बनाएको बताउदै प्रहरीलाई सुरक्षाका थप विधि अपनाएर काम गर्न आग्रह समेत गरे ।
महानगर उपप्रमुख मञ्जली शाक्यले नगरप्रहरीका कामले नगरवासीमा सकारात्मक धारणा विकास गरेको उनको भनाई छ । उपप्रमुख शाक्यले भनिन्, “नगर प्रहरीले काम गर्दा महानगरको योजनाबमोजिम अगाडि बढ्नु हुनेछ भन्ने अपेक्षा छ । नगरप्रहरीका कामलाई थप व्यवस्थित गर्न आवश्यक नीतिगत काम गर्न तयार छौँ।”
यही पुस २ गते १०४आँै स्थापना दिवस मनाएको ललितपुर महागरले यस वर्षका लागि ‘ललितपुरको समृद्धि र सुशासनको आधार, सम्पदा, संस्कृतिसहितको स्मार्ट सेवा र पूर्वाधार’ नारालाई केन्द्रमा राखेर सेवा प्रदान गरिरहेको छ ।

प्रदर्शनीमा सार्वजनिक पाटीपौवाको सरसफाइ, सडकका छेउछाउमा राखिएका सामग्री हटाउने, भूइँमा लत्रिएका र अव्यवस्थित तारलाई व्यवस्थापन गर्ने, जथाभावी पार्किङ गरिएका सवारीसाधन हटाउने र फुटपाथ अतिक्रमण गरी व्यापार गर्न रोक्नेलगायत नगरप्रहरीले गरेका सकारात्मक कामलाई समेटिएको थियो ।
नगरप्रहरीले जनचेतना जगाउनका लागि चेतनामूलक सन्देश प्रवाह गर्ने, नक्सापास नगरी बनाइएका अव्यवस्थित संरचना हटाउने, जथाभावी राखिएका होर्डिङ बोर्ड हटाउनेलगायतका कार्य गर्दै आइरहेको छ ।
हाल ललितपुर महानगरमा ७५ जना नगर प्रहरी कार्यरत छन् ।
तर महानगरका दिउँसोपस फुटपाथमा अनाधिकृत रुपमा व्यापार गर्ने व्यापारीहरुलाई महानगरको प्रहरीले रोक्न सकेको छैन । महानगरका चक्रपथबाहिरका वडाहरुमा नगरप्रहरीले सेवा दिन नसकेको स्थानीयहरु बताउछन् ।
नगरप्रहरी सिताराम हाछेथुको नियुक्ती कानून विपरित नगरसभाको निर्णय छलेर महानगरका मेयर महर्जनले गरेको भन्दै अघिल्लो कार्यकालमा जनप्रतिनिधिहरुले निरन्तर विरोध गरेका थिए ।
ललितपुरको धापाखेलस्थित नागदहमा माछा मार्ने लुगाधुने जस्ता कृयाकपाल नगरप्रहरीले रोक्न नसकेको भन्दै स्थानीयबासी गुनासो गर्दै आएका छन् ।