गिम्दीमा सडक बनाउदा पानीको हाहाकार

लपु संवाददाता
१ असार ०७६, गिम्दी । गिम्दी मगरगाँउ–वाजगाँउ सडक विस्तारको क्रममा मुहान पुरिदा स्थानीय गाँउमा पानीको हाहाकार भएको छ ।
सडक खन्ने क्रममा माटो फ्याकेपछि मुहान पुरिएर ३ लाइन पानी पुरिएको स्थानीय विरवहादुर दर्गा मगरले वताए । उनका अनुसार अहिले स्थानीय ८० घर पानीबाट वञ्चित भएको छ ।
मगरगाँउ वरपर बाटो लैजादा पनि धेरैको विनास भएको तर अहिले सुविधा पुगेको तर्क गर्दै वडाध्यक्ष सञ्जेलले भने,‘अहिले बाजगाँउमा बाटो लैजादा मगरगाँउका तिरका स्थानीयलाई अप्ठयारो परेको छ । चाडै बन्छ ।’

गिम्दी मगरगाँउबाट बाजगाँउसम्म ५ किलोमिटर सडक विस्तार हुन लागेको हो । बाटो विस्तारपछि मोचेडाँडा,वालुवाडाँडा,शिखरथुमलगायतका गाँउका ४० घर स्थानीयलाई सुविधा पुग्ने वडाध्यक्ष नवराज सञ्जेलले वताए ।