![](https://i0.wp.com/www.lalitpurkhabar.com/wp-content/uploads/2019/07/dhapakhel-development-DSC_6115-768x517.jpg?resize=720%2C485&ssl=1)
लपु संवाददाता
१० साउन ०७६, ललितपुर । ललितपुर माहानगरपालिकाको २४ नम्बर वडाध्यक्ष दिनेश कार्कीले धापाखेल क्षेत्रको विकासका लािग विभिन्न ९५ वटा विभिन्न योजना सार्वजनिक गरेका छन् । योजनाहरु बुँदागत रुपमा राखेर प्रस्तुत गरिएको भए पनि बजेट भने उल्लेख गरिएको छैन । सार्वजनिक कार्यक्रमका लागि बजेटको आय व्यवको रुपरेखा पनि छैन ।
वडाध्यक्ष कार्कीले शुक्रबार धापाखेलको नागदहस्थित एक रिर्सोटमा पत्रकार सम्मेलन आयोजना गरि योजना सार्वजनिक गरेका हुन् । उनले सार्वजनिक गरेको योजनामा सडक निर्माण र स्तरोन्नतीलाई पहिलो बुँदामा राखेएको छ । पर्यटन प्रबद्धन,रोजगारी,वातावरण संरक्षण, शासन र प्रभावकारी सेवाजस्ता कार्यक्रमलाई जोड दिने बताइएको छ ।
कार्कीले कार्यक्रममा २ करोड ७५ लाखको बजेट रहेको मौखिक जानकारी दिएका छन् । ललितपुर महानगरको असार ३१ को नगरसभाबाट पारित बजेटको आधारमा कार्कीले वार्षिक योजना सार्वजनिक गरेका हुन् ।
उनका योजनाहरुमा टोल सूधार समितिको भवन निर्माण,सीप विकास भवन, व्याडमिण्टन कवर्ड हल निर्माण, सामुदायिक तिनकुने पोखरी संरक्षण, वडाका विभिन्न सडकहरुको स्तरोन्नती, विभिन्न स्थानहरुको बाटोमा व्लक छाप्ने जस्ता कार्यक्रम छन् ।
प्रतिक्रिया