चापागाँउ टाहाखेल सडकमा गाडी पार्क गर्न निषेध

२२ साउन ०७७, ललितपुर । चापागाँउ टाहाखेल सडकमा गाडी पार्क गर्न निषेध गरिएको छ । गोदावरी नगरपालिकाले विहबिार सूचना प्रकाशित गरेर यस ठाँउमा गाडी रोक्न निषेध गरेको जानकारी दिएको हो ।
टाहाखेल चापागाँउ सडक चौडा गरेपछि खुला सडकमा लेले नल्लु क्षेत्रबाट ल्याएको ढुंगा गिटीका गाडी सधैजसो लस्करै पार्क गरिएको हुन्छ ।
सडकको दुवै किनारामा गाडी पार्किङ्क गरेको भन्दै स्थानीयबासीले विरोध गरेपछि बाध्य भएर पार्क गर्न निषेध गर्दै नगरपालिकाले सूचना निकालेको हो । नगरपालिकाले यहाँ गाडी पाकिङ्ग गरे कारवाही गर्ने जनाएको छ ।
यहाँको सडकमा गरिएकाृ अनावश्यक पार्किङ्कका कारण दुर्घटना बढेको छ । भने पैदलयात्रुलाई हिडडुल गर्न अप्ठ्यारो छ । फुटपाथको समेत व्यवस्था नहुँदा गाडी पार्किङ्क गर्दा सर्वसाधारण बीच सडकबाटै हिड्नु पर्ने बाध्यता छ ।
विहीबार यो सडकमा मोटर साइकल र स्कुटर ठोकिदा चालकहरु घाइते भउकाले सथानीयबासीहरुले अनावश्यक पार्किङ्ग रोक्न माग गर्दै प्रर्दशन गरेका थिए ।
यस क्षेत्रमा होलसेल पसलहरु रहेकोले पनि सधैजसो गाडी पार्क गरेर राखिएको हुन्छ । यहाँका होलसेल किराना पसल, हार्डवयर पसलमा दैनिक जसो १६ चक्के गाडी आउनेहुँदा सामान लोड अनलोड गर्न सडकमै पार्किङ्कस्थल बनाउने गरेको छ । एक स्थानीयले ट्राफिक प्रहरीले कहिले काँही पाकिङ्क गरेको गाडीलाई कारवाहीस्वरुप जरिवाना गर्ने गरिएको भए पनि धेरैजसो नदेखे झैं गरेर हिड्ने गरेको बताए । उनले भने, यहाँका पसलेले सडक हडपेर व्यापार गरिरहेका छन् ।