ललितपुरमा केपी पक्षले भन्यो, ‘सूर्य हाम्रै हो’

ललितपुर खबर
११ पुस ०७७, चापागाँउ । प्रधानमन्त्री केपी शर्मा ओलीले हथात संसद विघटन गरेपछि अहिले नेकपामा पक्ष विपक्षको वाद विवाद चलिरहेको छ । यसै क्रममा ललितपुर १ को प्रधानमन्त्री समेत रहेका पहिलो अध्यक्ष केपी ओलीको भेलामा ‘हभागीहरुले सूर्य चिन्द तथा आधिकारिक नेकपा आफूहरु नै रहेको दावी गरे ।
चापागाँउस्थित एक पार्टी प्यालेसमा आयोजित कार्यक्रममा नवनियुक्त उर्जामन्त्री टोप बहादुर रायमाझी समेत सहभागी थिए ।

उर्जामन्त्री रायमाझीले महाधिवेशन नभई अर्को पक्षले पार्टी अध्यक्ष माग्न नहुने तर्क गर्दै भने महासचिव र पहिलो अध्यक्ष रहेको आफ्नो पक्ष नै आधिकारिक रहेकाले सूर्य चिन्ह आफूहरुकै रहेको तक गरे ।
निवर्तमान सासंद महेश बस्नेतले सूर्य निन्हमा आँखा नलगाउन अर्को पक्षलाई चेतावनी दिए । उनले भने, ‘सूर्य चिन्ह मात्रै होइन । पार्टीका कार्यालयहरुमा आँखा लगाए पेरिसडाँडा समेत नछोड्दैनौं । हामी पेसिसडाँडामा आँखा लगाउदैनौं ।’
ललितपुर जिल्ला कमिटी अध्यक्ष हरिकृष्ण व्यञ्जनकारले आफूहरु नै आधिकारिक भएकाले सूर्य चिन्ह आफ्नो पक्षको हुने दाबी गरे । भने,‘यो निर्वाचित अध्यक्ष रहेको बेलादेखिको सवाल हो । त्यसैले हामीले सूर्य चिन्ह पाउछौं ।’
ललितपुरकी नेतृ सुशीला नेपालले समेत कार्यक्रममा सूर्य चिन्ह आफूहरुले पाउनु पर्ने तर्क पेश गरेकी थिइन् । उनले भनिन्,‘आधिकारीक संस्थापन पक्ष आफूहरु रहेकाले निविवाद सूर्य चिन्ह हामीले पाउछौं ।’
केन्द्रिय सदस्य मधुसुधन पौडेलले समेत सुर्य चिन्हको दावी प्रस्तुत गर्दै भने, ‘सूर्य चिन्ह हाम्रै हो । यसको चिन्ता नलिनुस् ।’